काठमाण्डौंको तिनकुने स्थित हिमालयन ह्वाईट हाउस ईन्टरनेशनल कलेजले धनगढीमा हुने एलपिएलको पाँचौ संस्करणलाई प्रायोजन गरेको छ । प्रतियोगिताको दोस्रो संस्करणदेखि कलेजद्धारा सञ्चालित हिमालयन ह्वाईट हाउस वल्र्ड स्कुलले सहभागीता जनाउँदै आएकोमा पाँचौं संस्करणमा प्रतियोगितालाई सह प्रायोजन गरेको हो । वल्र्ड स्कुल साविक उपविजेता पनि रहेको छ । 

फागुनमा हुने एलपिएलको पाँचौ संस्करणको सह प्रायोजन भएको कलेजलाई प्रतियोगितामा ब्रटुयु बाई भनेर स्थान दिईनेछ । फागुन तेस्रो साता धनगढीमा हुने लिटल फ्लावर प्रिमियर लिगको पाँचौ संस्करणमा प्रायोजकहरु जोडिने क्रम जारी रहेको अवस्थामा हिमालयन ह्वाईट हाउसले पनि प्रायोजन गरेर साथ दिएको छ ।  

लिटल फ्लावर स्पोर्टस एण्ड ईभेन्ट्सको आयोजनामा हुने प्रतियोगितामा तल्लो तहको क्रिकेट विकासको लागि थालिएको अभियानमा जोडिएको हिमालयन ह्वाईट हाउस कलेज तिनकुनेका कार्यकारी निर्देशक नारायण काफ्लेले जानकारी दिए । शिक्षा क्षेत्रमा लामो समयदेखि आबद्ध रहदै आएकोमा क्रिकेटको जग बसाल्न थालिएको प्रतियोगितामा आफुहरुले पनि सामाजिक उत्तरदायित्व सम्झेर योगदान गरेको कार्यकारी निर्देशक काफ्लेले बताए ।