कैलालीको त्रिनगर नाकाबाट भित्रिएका नेपालीहरुलाई रेडियो धनगढीले खाजा खुवाएको छ । रेडियो धनगढीको सञ्चालक संस्था सुदुरपश्चिम मिडिया मिसन प्रालिका अध्यक्ष राजु चन्दको नेतृत्वमा भारतबाट आएर गन्तव्यतिर जान लागेकाहरुलाई २६ पेटी चाउचाउ र २६ पेटी पानी वितरण गरिएको हो ।
समाजसेवी भक्तबहादुर भण्डारीद्वारा अमेरिकामा स्थापना गरिएको भक्त बीबी हेल्पिङ हेन्ड्स एण्ड ह्युमानिटीको व्यवस्थापन तथा धनगढी उपमहानगरपालिका वडा नम्बर ३ को सहकार्यमा भारतबाट फर्किएर आफ्नो गन्तव्य लागेकाहरुलाई खाजा वितरण गरिएको हो ।
भक्त बीबी हेल्पिङ्ग ह्यान्डस् फर ह्युमानिटी र रेडियो धनगढीको सहकार्यमा पहाडी जिल्लातिर जाने हरेक बसका यात्रीहरुलाई आजदेखि खाजा र पानी वितरण गर्ने जमर्को गरेको अध्यक्ष राजु चन्दले बताए । आफुहरुले दिएको सहयोगले यात्रीहरुलाई बाटोमा पर्ने अप्ठ्यारोमा केही राहत पुग्ने चन्दको भनाई छ ।
खाजा वितरण कार्यक्रममा वडा नम्बर ३ कका वडाध्यक्ष बलबहादुर ऐर, वडा सदस्य ओम चन्द लगायतको सहभागीता रहेको थियो ।
सम्बन्धित वर्गका समाचारहरू
