टीकापुर घटनामा जन्मकैद सुनाईएका थारु नेता लक्ष्मण थारुले उच्च अदालत दिपायलको फैसला पुर्वाग्रही भएकोले कुनै पनि हालतमा नस्वीकार्ने बताएका छन् । उनले केही सञ्चारकर्मीहरुलाई गोप्य स्थलबाट भिडियो अन्तर्वार्ता दिदैं पुर्वग्राही, नश्लेयितले भरिएको फैसलालाई कुनै पनि हालतमा मान्न तयार नरहेको बताएका हुन् ।
थरुहट नेता थारुले दासत्वको विरुद्धमा विद्रोह गर्न आवश्यक रहेको बताए । उनले उच्च अदालतको फैसला पछि पहिलो पटक सञ्चार माध्यममा यस्तो अभिव्यक्ति दिएका हुन् । टीकापुर घटना सम्बन्धी मुद्दामा उच्च अदालत दिपायलले पुस २ गते सुनुवाई गर्दै जन्मकैद फैसला सुनाईएका थरुहट थारुवान राष्ट्रिय मोर्चाका केन्द्रिय संयोजक थारु लुकेर बस्दै आएका छन् ।
उनी प्रहरीको खोजीमा परेपछि लुक्दै आईरहेका हुन् । तर मुद्दाका प्रतिवादी रहेका थारुले अदालतको फैसलापछि अदालत उपस्थित नहुने प्रतिक्रिया दिएका छन् । उनले भने,– ‘म डराएको छैन । भागेको छैन । मलाई गम्भीर बनाएको छ अदालतको फैसलाले । फैसला नश्लीयतपूर्ण छ । राजनीतिक चलखेल भयो, जुन दुर्भाग्यपूर्ण छ । हामी कुनै पनि हालतमा यो फैसला मान्न तयार छैनौ । हामी आत्मसमर्पण गर्दैनौ ।’
भिडियो कुराकानीमा उनले भने– ‘हामी कुनै पनि हालतमा दासत्व स्वीकार गर्दैनौं । उच्च अदालतको फैसला सरासर गलत छ । पुर्वग्राही, नश्लेयित भरिएको फैसलालाई हामी मान्न तयार छैनौ ।’ उनले भिडियो अन्तर्वार्तामा भनेका छन्– ‘हामी दासत्वको विरुद्ध लडिरहेका छौ ।’ अवको विद्रोह शान्तिपूर्ण र हतियार रहित राष्ट्रिय मुक्तीको अभियान रहनेछ । हामी त्यसको तयारी पनि गरिरहेका छौं । सबै साथीहरुसँग छलफल गर्नका लागि देशका विभिन्न स्थानहरुमा गईरहेको छु ।’
भिडियो सौजन्यः उन्नति चौधरी
सम्बन्धित वर्गका समाचारहरू
