इटालियन सिरि ए आगामी २० जुनदेखि सुचारू हुने भएको छ। इटालीका खेलकुद मन्त्री भिसिन्जो स्पाडाफोराले कोरोना भाइरसपछि सिरि ए सुचारू गर्ने मिति सार्वजनिक गरेका हुन ।

सिरि ए गत मार्च ९ देखि अनिश्चिकतकालका लागि स्थगित भएको थियो । लिगका १२ राउन्डका खेल बाँकी छन् । लिगमा युभेन्ट्सले अग्रता लिइरहेको अवस्थमा छ । सिरि ए का खेलाडीहरुलाई मेको पहिलो साता व्यक्तिगत रुपमा अभ्यास गर्न अनुमति दिइएको थियो ।

समूहमा भने यही सातादेखि प्रशिक्षण गरिएको थियो । २० जुनबाट सुरू गर्न भनिएको लिग अगस्ट २० सम्ममा सक्ने तयारी गरिएको छ ।