धनगढी उपमहानगरपालिका–३ विशालनगरमा एक महिलाको शव फेला परेको छ । आज २३ बर्षीय जयन्ती जैशीको झुण्डीएको अवस्थामा शव फेला परेको हो । जिल्ला प्रहरी कार्यालय कैलालीका अनुसार घरको भान्सा कोठामा झुण्डीएको अवस्थामा शव फेला परेको हो ।
हत्याको आशंकामा परिवारका २ जनालाई नियन्त्रणमा लिईएको जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले जानकारी दिए । मृतक महिलाको श्रीमान र सासु नियन्त्रणमा लिएको छ । स्थानीयका अनुसार परिवारमा समय–समयमा कलह भईरहने गरेको थियो । उनको माईती घर कैलालीको पहलमानपुर हो ।
मृतक महिलाको झण्डै डेढ बर्षको छोरा छ । उनको शव पोष्टमार्टमका लागि सेती प्रादेशिक अस्पतालमा राखिएको छ । परिवारहरुको संलग्तामा हत्या भएको भन्दै किटानी जाहेरी दिने तयारी भएका मृतक महिलाका बुबा मोहनराज जैशीले जानकारी दिए । ‘मेरो छोरीको आत्माहत्या होईन, हत्या नै भएको हो’ जैशीले भने ।
सम्बन्धित वर्गका समाचारहरू
