नेपाली काँग्रेस धनगढीका सभापति तथा धनगढी उप–महानगरपालिकाका मेयर नृप बहादुर वडले विद्या भण्डारी केपी शर्मा ओलीका लागि मात्रै राष्ट्रपति भएको बताएका छन् । संसद विघटनविरुद्ध धनगढीमा आयोजित विरोध सभालाई सम्बोधन गर्दै वडले यस्तो बताएका हुन् । उनले भने, ‘विद्या भण्डारीलाई हामीले सबै जनताको राष्ट्रपति सम्झेका थियौँ । तर उनी केपी ओलीकी मात्रै राष्ट्रपति बनिन्् ।’ वडले नेकपाको सरकार संविधान र जनताको मर्म बिपरित गएको बताए । 

उनले भने,’ नेकपाको लडाइ जनताको लागि होइन, त्यो लडाइ त पदको लडाइ हो’ संघीय प्रतिनिधी सभा विगठन गर्दै निर्वाचनको घोषणा गरिएको भन्दै अब प्रतिपक्षमा रहेको नेपाली कांग्रेसले निर्वाचनको तयारीमा जुट्नुपर्ने बेला आएको उनले बताए । 
 

Edit Ad