प्रधानमन्त्री कप राष्ट्रिय महिला क्रिकेट प्रतियोगितामा आज मंगलबारबाट समूह बी का खेलहरु सुरु भएका छन् । दाङको लमहीमा सञ्चालित प्रतियोगितामा आज समुह बी अन्तर्गत दुई खेल भईरहेका छन् । पहिलो खेलमा सुदुरपश्चिम प्रदेशले गण्डकीसंग खेलिरहेको छ । सुदूरपश्चिम प्रदेशले पहिले ब्याटिङ गरिरहेको छ ।
यस्तै, दोस्रो खेलमा बागमती प्रदेशले प्रदेश १ विरुद्ध खेल्नेछ । खेल दिउँसो १ बजे सुरु हुनेछ । यसअघि समुह ए बाट विभागीय टिम एपीएफ र लुम्बिनी प्रदेश सेमिफाइनल प्रवेश गरिसकेका छन् । एपीएफ समुह विजेता तथा लुम्बिनी उपविजेता बन्दै सेमिफाइनल पुगेका हुन् ।
समुह बीको विजेताले लुम्बिनी र उपविजेताले एपीएफसँग सेमिफाइनल खेल्ने छन् । समुह ए मा एपीएफ, प्रदेश २, कर्णाली प्रदेश र लुम्बिनी प्रदेश रहेका छन् ।
प्रदेश २ र कर्णाली प्रदेश भने प्रतियोगिताबाट बाहिरिएका छन् । यस्तै, समुह बीमा सुदुरपश्चिम प्रदेश, बागमती प्रदेश, गण्डकी प्रदेश र प्रदेश १ रहेका छन् ।
सम्बन्धित वर्गका समाचारहरू
