प्रधानमन्त्री कप महिला क्रिकेट प्रतियोगितामा आज समूह बी का दुई वटा खेल हुँदैछन् । दाङको लमहीमा जारी प्रतियोगितामा बागमती र सुदूरपश्चिम तथा गण्डकी र प्रदेश १ बीचको खेल हुदैछ ।   पहिलो खेलमा सुदूरपश्चिमले बागमती प्रदेशसँग खेलिरहेको छ । टस जितेर पहिले सुदूरपश्चिम प्रदेशले ब्याटिङ गरिरहेको छ । आजको खेल जितेमा सुदूरपश्चिम सेमिफाईनल प्रवेश गर्नेछ ।

पराजित भएमा भने प्रतियोगिताबाट बाहिरिनेछ ।  दिउँसो सवा एक बजे हुने खेलमा गण्डकी र प्रदेश १ मैदान उत्रने छन् । प्रदेश नम्बर १ प्रतियोगिताको सेमिफाइनलमा पुगिसकेको छ । हिजोको खेलमा सुदूरपश्चिम प्रदेशलाई पाँच विकेटले हराएर प्रदेश १ अन्तिम चारमा पुगेको हो ।