धनगढी उपमहानगरपालिका–३ विशालनगरमा एक महिलाको शव फेला परेको घटनाको अनुसन्धान सुरु गरेको जिल्ला प्रहरी कार्यालय कैलालीले जनाएको छ । २४ बर्षीय जयन्ती जैशीको झुण्डीएको अवस्थामा शव फेला परेको थियो ।

घरको भान्सा कोठामा झुण्डीएको अवस्थामा फेला परेको शव धनगढीको सेती प्रादेशिक अस्पतालमा पोष्टमार्टम भएको जिल्ला प्रहरी कार्यालय कैलालीले जनाएको छ । हत्याको आशंकामा परिवारका २ जनालाई नियन्त्रणमा लिईएको छ । मृतक महिलाको श्रीमान र सासुलाई शव फेला परेसँगै नियन्त्रणमा लिएको जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले जानकारी दिए । 

उता लम्कीमा श्रीमतीलाई आत्महत्या गर्न बाध्य तुल्याएको भन्दै श्रीमान पक्राउ परेका छन् । लम्की चुहा नगरपालिका ७ खरैलाकी ३५ बर्षिया सरिता भण्डारीको आत्महत्याको कारण श्रीमान नै रहेको माइती पक्षले आरोप लगाएपछि प्रहरीले ३५ वर्षीय खगेन्द्र भण्डारीलाई पक्राउ गरेको हा ।

मानसिक र शारीरिक यातना सहन नसकेर मङ्गलवार भण्डारीले आत्महत्या गरेको भन्दै दाजु झंकर विष्टले इलाका प्रहरी कार्यालय लम्कीमा उजुरी दिएपछि उनलाई पक्राउ गरिएको इलाका प्रहरी कार्यालय लम्कीका प्रमुख प्रहरी निरिक्षक ज्ञानेन्द्र चन्दले बताए ।