प्रधानमन्त्री केपी शर्मा ओलीको विरोध सहित स्वागत गरिएको छ । विवेकशिल साझा पार्टी,  सुदूरपश्चिम प्रदेश कार्यालयबाट आज साँझा युवा संगठनले विरोध सहित स्वागत गरेको हो । 

संगठनले बेलुन उडाएर प्रधानमन्त्रीको विरोध सहित स्वागत गरेको हो । बेलुनमा ‘प्रधानमन्त्री ज्यू उत्ताउलाहरुको प्रदेशमा स्वागत छ ।’ लेखिएको थियो । कोरोना संक्रमणको सुरुवाती अवस्थामा प्रधानमन्त्री केपी शर्मा ओलीले सुदूरपश्चिमवासी उत्ताउला भएको र उनीहरुकै कारण नेपालमा कोरोना सर्ने सम्भावना बढेर गएको प्रतिक्रीया दिएका थिए । उक्त अभिव्यक्तिको सुदूरपश्चिममा आलोचना भएको थियो । 

यस्तै अनेरास्ववियूले पनि धनगढीमा प्रधानमन्त्रीलाई कालो झण्डा देखाएको थियो ।