कैलालीको कैलारी गाउँपालिकाले माघीमा ३ दिन बिदा दिने निर्णय गरेको छ । सोमबार भएको गाउँपालिकाको अधिवेशनले थारु समुदायको महान पर्व एवं नयाँ वर्ष माघीको अवसरमा पुस २९ गते, माघ १ र २ गते बिदा दिने निर्णय भएको हो ।

गाउँपालिकामा थारु बाहुल्यता रहेकोले यस पर्वलाई थारु समुदायमा महान पर्व र नयाँ वर्षको रुपमा मनाउने हुँदा ३ दिन बिदा दिने निर्णय गरेको गाउँपालिका प्रवक्ता एवं वडा नं ७ का वडा अध्यक्ष कमल प्रसाद चौधरीले जानकारी दिए । आइतबार बसेको मन्त्रिपरिषद बैठकले माघ १ गते बिदा दिने निर्णय गरेको थियो ।