कैलालीको गोदावरी नगरापालिका स्थित गोदावरी धाममा बिहानै देखि श्रद्धालु भक्तजनहरुको घुइँचो लागेको छ । माघे संक्रान्तिको अवसर पारेर कैलालीको गोदावरी धाममा स्नान तथा पूजापाठ गर्ने श्रद्धालु भक्तजनहरुको घुइँचो लागेको हो । 

प्रत्यक बर्ष आयोजना हुँदै आएको बाह्र राशि दर्शन मकर मेला यसवर्ष कोरोना कहरका कारण प्रभावित भएपनि भक्तजनहरुको घुइँचो लागेको छ । मकर मेला प्रभावित भएपनि स्नान तथा पूजापाठ गर्न खुल्ला गरिएपछि गोदावरी धाममा भक्तजनहरुको घुइँचो लागेको छ। 

मेलामा कैलाली कञ्चनपुर सहित सुदूरपश्चिम र प्रदेश बाहिरबाट समेत श्रद्धालु भक्तजन स्नान र पूजापाठका लागि गोदावरी क्षेत्र पुगेका छन ।