आइतबार सुदूरपश्चिम प्रदेशमा १८ जनाको नमूना परीक्षण भएको छ।  डडेल्धुरा अस्पतालको प्रयोगशाला र जिल्ला अस्पताल बैतडीको प्रयोगशालामा १८ नमूना परीक्षण गर्दा २ जनामा मात्र कारोना संक्रमण पुस्टि भएको सामाजिक विकास मन्त्रालयले जनाएको छ। 

डडेल्धुरा अस्पतालको प्रयोगशालामा १६ नमूना परीक्षण गर्दा २ जनामा संक्रमण देखिएको र जिल्ला अस्पताल बैतडीको प्रयोगशालामा २ जनाको नमूना परीक्षण गर्दा दुवैैको रिपोर्ट नेगेटिभ आएको मन्त्रालयले जानकारी दिएको छ।  

यो सँगै सुदूरपश्चिममा कोरोना संक्रमितको संख्या १४ हजार २ सय २७ पुगेको छ। प्रदेशभर संक्रमण पुष्टि भएका १२ हजार ३ सय २० जनाले कोरोना जितेका छन्। ७४ जनाको मृत्यु भएको छ।