दुई सय ९९ औं पृथ्वी जयन्तीको अवसरमा आयोजित   साताव्यापी रक्तदान सप्ताह कार्यक्रम सम्पन्न भएको छ । धनगढीको हसनपुरमा रहेको आदर्श नव युवा क्लवले नगरपालिका रोड स्थित फ्ल्याटल्याण्ड परिषरमा आयोजना गरेको रक्तदान सप्ताह कार्यक्रम सम्पन्न भएको हो । रक्तदान सप्ताह कार्यक्रममा १ सय ३० जनाले रक्तदान गरेको क्लवका अध्यक्ष निराजन खड्काले बताए ।

कोरोना महामारीका बेला भइरहेको रगत अभावलाई मध्यनजर गर्दै साताव्यापी रुपमा रक्तदान कार्यक्रमको आयोजन गरेको क्लवका अध्यक्ष निराजन खड्काले बताए । कार्यक्रममा धनगढी उपमहानगरपालिकाका उपप्रमुख शुशिला मीश्र भट्टको प्रमुख आथित्यमा रक्तदान सम्पन्न भएको हो । कार्यक्रम आयोजना गर्न कामना एग्रो फार्मका संचालक पन्कज देउवाले पनि सहयोग गरेका थिए ।