कैलालीको जानकी गाउँपालिकाको एकै क्वारेन्टाईनमा रहेका ७ जनामा कोरोना संक्रमण देखिएको छ । सरस्वती माविको क्वारेन्टिनमा रारहेका ४५ जना मध्ये ७ जनामा कोरोना संक्रमण भएको हो ।

यस अघि ६ जना संक्रमित रहेकोमा थप एक जनामा कोरोना पुष्टि भएसंगै संक्रमितको सङख्या ७ पुगेको हो । यसअघि जेठ ९ गते सोही क्वारेन्टाईनमा रहेका तीन जना, १२ गते एक जना र १५ गते एक जनामा कोरोना पुष्टि भएको थियो ।

७ जना संक्रमित मध्ये पाँच जना भारतबाट आएका हुन् भने एक जना ईटहरी र एक जना बाँकेबाट जानकी गाउँपालिका पुगेका हुन् । ७ जना संक्रमित भएपछि अव सो क्वारेन्टाईनमा ३८ जना रहेको जानकी गाउँपालिकाका अध्यक्ष प्रदिप कुमार चौधरीले जानकारी दिए ।