सुदूरपश्चिम प्रदेशमा कुल संक्रमितमध्ये हालसम्म १२ हजार ४७१ जना कोरोना संक्रमित निको भएका छन् । हालसम्म १३ हजार ९३८ जनामा संक्रमण पुष्टि भएकोमा ८९.४७ प्रतिशतका दरले संक्रमित निको भएका छन् ।

हालसम्म एक लाख ३५ हजार २१ स्वाब नमूना जाँच गरिएको छ । अब एक हजार ४१२ जनामात्रै सक्रिय संक्रमित रहेका छन् । शनिबार कञ्चनपुरका तीन जना संक्रमित निको भएर घर फर्केको सामाजिक विकास मन्त्रालयले जानकारी दिएको छ । 

यसैबीच, कोरोना संक्रमण दर घटेको सुदूरपश्चिममा शनिबार एक जनामा संक्रमण पुष्टि भएको छ । सेती प्रादेशिक अस्पतालको प्रयोगशालामा गरिएको परीक्षणमा कैलालीका एक जनामा कोरोना संक्रमण पुष्टि भएको हो ।