कञ्चनपुरमा खैरो हिरोइनसहित दुई जना पक्राउ परेका छन् । जिल्लाको भीमदत्त नगरपालिका वडा नम्वर ९ तुम्नाडीबाट सात ग्राम चार सय ९० मिलिग्राम खैरौ हिरोइनसहित दुई जनालाई पक्राउ गरिएको जिल्ला प्रहरी कार्यालयले जनाएको छ ।

प्रहरी नायव उपरीक्षक अमरबहादुर थापाले भीमदत्त– १० सुकासालका ३५ वर्षीय विनोद चन्द र वडा नम्बर ५ का २४ वर्षीय सुवाश लुहारलाई पक्राउ गरिएको जानकारी दिए । लागु औषधको कारोबार भइरहेको भन्ने विशेष सूचनाका आधारमा उनीहरुलाई पक्राउ गरिएको थापाले बताए ।