धनगढी खुटिया सडकले तीव्रता पाउँछ: राना
2021/02/15, 8:32
 
rana

विघटित प्रतिनिधि सभा सदस्य नारदमुनि रानाले अब धनगढी खुटिया सडक निर्माणले तीव्रता पाउने बताएका छन् । सोमबार धनगढीमा आयोजना गरिएको पत्रकार भेटघाट कार्यक्रममा रानाले अब कसैले चाहेर पनि सडक निर्माणको काम नरोकिने बताएका हुन् ।

धनगढी खुटिया सडक कालोपत्रे गर्न टेन्डर आह्वान भइसकेकोले अब कसैले चाहेर पनि निर्माण नरोकिने बताएका हुन् ।आफू निर्वाचित भइसकेपछि घोषणा पत्रमै राखेको सडक निर्माणको लागि निरन्तर पहल गरेको उनको भनाइ छ ।

उनले धनगढी विमान स्थलमा यस वर्ष जग्गा अधिग्रहणको प्रक्रिया समेत अघि बढ्ने उनले विश्वास दिलाए । यसअघि प्रधानमन्त्री केपी शर्मा ओलीसँगको भेटमा पनि विमानस्थलको बिस्तार गर्न आफूले बताउँदै आएको उनको भनाइ थियो । जग्गा अधिकरण पछि लगानीदाता जुटाउने समेत तयारी भइरहेको उनले जानकारी दिए ।