अछामका जय विष्ट भारतमा चम्किँदै, विजय हजारे ट्रफीमा खेले १४१ रनको पारी
2021/02/25, 11:20
 
jay bist

नेपाली मूलका क्रिकेटर जय विष्टले भारतमा जारी विजय हजारे ट्रफी एकदिवसीय क्रिकेट प्रतियोगितामा शानदार प्रदर्शन गरेका छन् । उनले उत्तराखण्डबाट खेल्दै मेघालयविरुद्ध एक सय ४१ रनको विष्फोटक पारी खेलेका हुन् ।

मेघालयले दिएको २ सय ४३ रनको लक्ष्य पछ्याउने क्रममा उत्तराखण्डका ओपनिङ ब्याट्सम्यानसमेत रहेका विष्टले १ सय १९ बलमा १९ चौका र तीन छक्कासहित १ सय ४१ रनको पारी खेलेका हुन् ।

जयको पुख्र्यौली घर सुदूरपश्चिमको अछाम हो । जयका पिता गोकुल विष्ट पनि क्रिकेटर हुन् । ओपनिङ ब्याट्सम्यान तथा अफ स्पिनरका रूपमा टिममा स्थान बनाएका जयले भारतको प्रतिष्ठित रणजी ट्रफी पनि खेलिसकेका छन् ।