सुदूरपश्चिम घर भएका एपिएफ क्लबका गोपीचन्द्र पार्कीले दोस्रो वीर गणेशमान सिंह टेन–के रोड रेस प्रतियोगिताको उपाधि रक्षा गरेका छन् । शनिबार सम्पन्न प्रतियोगितामा पुरुषतर्फ गोपीले पहिलो स्थान हात पारेका हुन् ।

गोपीले पहिलो संस्करणको उपाधि जितेका थिए । १३औँ दक्षिण एसियाली खेलकुदका स्वर्ण विजेता गोपीचन्द्रले निर्धारित दूरी ३१ मिनेट ४४ः४९ सेकेन्डमा पूरा गरेका थिए । 

गोपीले अघिल्लो संस्करणमा आफैँले बनाएको ३२ मिनेट ०१ः२ सेकेन्डको कीर्तिमान तोडेका हुन् । नयाँ कोर्स रेकर्ड बनाएका उनले थप १० हजार रुपैयाँ प्राप्त गरेका छन् । उपाधि रक्षा गरेका गोपीचन्द्रले ६० हजार पुरस्कार पनि पाएका छन् ।