धनगढी :  नेपाल पत्रकार महासंघ कैलाली शाखामा निर्वाचित पदाधिकारी र सदस्यको आज पदस्थापन भएको छ । चैत २५ गते भएको निर्वाचनमा विजयी कार्यसमितीका पदाधिकारी, सदस्य, केन्द्रिय परिषद सदस्य र प्रदेश परिषद सदस्यको पदस्थापन भएको हो । सुदूरपश्चिम प्रदेशका मुख्यमन्त्री त्रिलोचन भट्टको उपस्थीतीमा पदस्थापन कार्यक्रम सम्पन्न भएको हो ।

कैलाली शाखाको अध्यक्षमा हिमाल जोशी, उपाध्यक्षमा हरिष बिक, महिला उपाध्यक्षमा दुर्गा देबकोटा, सचिबमा प्रेम चौधरी, कोषाध्यक्षमा लक्ष्मी जैशी, सह सचिवमा घनश्याम पौड्ल र दिनेश चौधरी, सदस्यमा कैलाश जोशी, अंकुश कुवंर, दिपक उपाध्यााय, सुनिल आउजी, शंकर बोहरा, रतन लाल चौधरी, नेत्र प्रसाद जैशी, कृष्णप्रसाद ओझा, नवराज पनेरु, गगन कठायत, भावना जोशी, नरेन्द्र चौधरी विजयी भएका थिए ।

कार्यक्रममा प्रदशे सभा सदस्य तारालामा तामाङ, डिल्लीराज पन्त, अकल बहादुर रावल, कैलालीका प्रमुख जिल्ला अधिकारी खगेन्द्र प्रशाद रिजाल तथा कैलालीका अगुवा पत्रकारहरुको सहभागिता रहेको थियो ।