इग्लिस प्रिमियर लिग (इपीएल) अन्तर्गत भएको खेलमा चेल्सीले लेस्टर सिटीलाइ पराजित गर्दै अङ्क तालिकामा तेस्रो स्थानमा उक्लिएको छ । शीर्ष चारको दौडमा रहेको चेल्सी र लेस्टरको खेलमा चेल्सीले २(१ गोल अन्तरमा जित निकालेको हो । आफ्नो घरेलु मैदानमा सम्पन्न खेलमा चेल्सीले पहिलो हाफ गोलरहित वरावरीमा खेलेको थियो ।
दोश्रो हाफको ४७औँ मिनेटमा एन्टेनियोले गरेको गोलबाट चेल्सीले अग्रता लिएको थियो । ६६औँ मिनेटमा चेल्सीले पाएको पेनाल्टिलाइ जोर्जीन्होले गोलमा परिणत गर्दै अग्रतालाई दोब्बर बनाएका थिए । खेलको ७६औँ मिनेटमा गोल गर्दै लेस्टरले खेलमा फर्कने प्रयास गरे पनि त्यो पुरा हुन भने सकेन ।
यस जितसँगै चेल्सीले अर्को सिजनको च्याम्पियन्स लिगमा आफ्नो स्थान बलियो बनाएको छ भने अघिल्लो साता एफए कपको फाइनलमा भोगेको हारको बदलासमेत लिन सफल भएको छ। गएराति सम्पन्न अर्को खेलमा प्रिमियर लिग विजेता म्यान्चेस्टर सिटी १५औँ स्थानमा रहेको व्राइटनसँग पराजित हुन पुगेको छ।
यसैगरी म्यानचेस्टर युनाइटेड पनि आफ्नै घरेलु मैदानमा रेलिगेसनमा परिसकेको फुलह्यामसँग १(१ गोलको बराबरीमा रोकिएको छ।
आज बेलुकी भने प्रिमियर लिगका ३७ औँ चरणका अन्य चार खेलहरु खेलिँदैछन् ।
सम्बन्धित वर्गका समाचारहरू
