कांग्रेस अछाम सभापतिमा पुष्पबहादुर शाह विजयी भएका छन् । शाह ७७९ मत ल्यायर विजयी भएका हुन् । उनका प्रतिद्वन्द्वी भरत स्वाँरले ७११ मत ल्याएका हुन् । 

अछाम जिल्ला सभापति पदका लागि दोस्रो चरणको मतदान भएको थियो । पहिलो चरणमा कुनै पनि उम्मेद्वारले ५१ प्रतिशत मत ल्याउन नसकेपछि दोस्रो चरणको चुनावी प्रक्रियामा गएको थियो ।

पहिलो चरणमा वर्तमान सभापति भरतकुमार स्वाँर, पूर्वसभापति पुष्पबहादुर शाह र नेपाल विद्यार्थी संघ अछामका पूर्वअध्यक्ष समेत रहेका कांग्रेस महासमिति सदस्य राजन कुँवर चुनावी मैदानमा उत्रिएका थिए ।

कुँवरले दोस्रो चरणमा चुनावी प्रक्रियामा वर्तमान सभापति भरतकुमार स्वाँरलाई सहयोग गरेका थिए ।