धनगढी – धनगढीमा लागु औषधसहित एक व्यापारी पक्राउ परेका छन्। आइतबार धनगढी उपमहानगरपालिका–१२ जुगेडा कम्पनी टोलबाट उनलाई प्रहरीले समातेको हो । 

प्रहरीका अनुसार पक्राउ पर्नेमा बझाङको जय पृथ्वी नगरपालिका वडा नं ६ घर भई हाल जुगेडामा किराना पसल गरेर बसेका ३६ वर्षीय दिनेश सिंह रहेका छन् ।  

सिंहको पसलमा जिल्ला प्रहरी कार्यालय कैलालीबाट खटिएको  सादा पोसाकको टोलीले शङ्का लागेर चेकजाँच गरेको थियो । त्यसपछि उनले लुकाइछिपाई राखेको १ किलो ग्राम लागु औषध (चरेस) फेला पारेर बरामद गरिएको प्रहरीले जनाएको छ। 

यस्तै सिंहलाई पक्राउ गरेर थप अनुसन्धान भइरहेको बताइएको छ। 

Edit Ad