गत शुक्रबार राती परेको अबिरल बषौ र पहिरोका कारण दार्चुलामा ठुलो जनधनको क्षती गरेको छ । जिल्ला प्रहरी कार्यालय दार्चुलाका अनुसार बाढी पहिरोमा परी हालसम्म ५ जनाले ज्यान गुमाइसकेका छन्, भने १० जनाको अवस्था अज्ञात छ । भारी बर्षाले महाकाली नदीमा पानीको बहाव बढी भएका कारण बेपत्ताहरुलाई खोजतलास गर्न समस्या भएको प्रहरीले जनाएको छ ।

बाढीपहिरोले महाकाली नगरपालिका र नौगाड गाउँपालिकाका ४२ घरमा पूर्ण र ९ वटामा आंशिक क्षति भएको छ। प्रहरीका अनुसार ४० घर जोखिममा छन्। यस्तै एउटा विद्यालय, विद्युत पावर हाउस, दुईवटा झोलुङ्गे पुल, मोटरेबल पुल, पार्किङ गरेर राखिएका ६ जिप, १र१ कार र ट्याक्टर, जेसीबी पनि बाढीले बगाएको छ।