धनगढी - स्रोत नखुलेको रकम सहित प्रहरीले विमानस्थलबाट एक जनालाई नियन्त्रणमा लिएको छ । त्रिभुवन अन्तर्राष्ट्रिय विमानस्थलबाट स्रोत नखुलेको नगद १० लाख ७० हजार रुपैयाँ सहित भारतीय नागरिक ५० वर्षीय मोहद तसलिमलाई प्रहरीले पक्राउ गरेको हो । 

बुद्ध एयरको उडानबाट काठमाडौँदेखि धनगढीतर्फ जान लागेका उनको झोला विमानस्थलको आन्तरिक उडानतर्फको ह्यान्ड ब्यागेज चेकिङ एरियाको एक्स–रे मेसिनमा जाँच गर्ने क्रममा स्रोत नखुलेको तथा भन्सार उद्‌घोष नगरेको नेपाली रुपैयाँ १ हजार दरको ८ सय १६ थान र ५ सय दरको ५ सय ८ थान गरी उक्त नगद फेला परेको प्रहरीले जानकारी दिएको छ ।

उनलाई आवश्यक अनुसन्धान लागि राजश्व अनुसन्धान विभाग हरिहर भवन ललितपुरमा पठाइएको छ।