हरेक बर्ष बाडी पस्छ मेरो गाऊमा

अभाव सधै बाँस बस्छ मेरै गाऊमा ।

उपाए केहि नभएपछी खाेला छेउमै बस्नुपर्याे

बर्षैपिच्छे अनिकालकाे पाहाड खस्छ मेरो गाऊमा ।

बाढी, पैरो, खडेरीकाे बज्रपातले हामीलाई नै सताउछ

विपत्तिकै कारण गरीबिले जराधस्छ मेरो गाऊमा ।

बर्षादमा बाडी, हिउदमा शितलहर र खडेरीले सताउछ

ताताे हावाहुँरी र आँगलागिले डस्छ मेराे गाऊमा ।

यसपालीको बर्षे भेलले मान्छेलाई नै बगाई लग्यो

बर्षैपिच्छे विपत्तिले हामीलाई डस्छ मेरो गाऊमा ।

बाडी,पैराे, खडेरीले पीडा थप्छ मेरो गाऊमा

अनिकाल त झन घरभित्रै बस्छ मेराे गाऊमा ।

धनपति ढुंगेल