सुदूरपश्चिम प्रदेशका बिभिन्न जिल्लामा रहेका अस्पतालका आईसोलेशनमा गरि १ सय १ जना कोरोना संक्रमित उपचाररत रहेका छन् । केही दिन यता अस्पतालका आईसोलेशनमा संक्रमितको संख्या बढेको छ । सुदूरपश्चिम सामाजिक विकास मन्त्रालयका अनुसार आईतबार सम्म सबैभन्दा बढी कैलालीको टीकापुर अस्पतालको आईसोलेशनमा ३४ जना संक्रमित रहेका छन् ।
यसैगरी सेती प्रादेशीक अस्पतालको आईसोलेशनमा २९ जना, महाकाली अस्पतालको आईसोलेशनमा २४ जना, जिल्ला अस्पताल अछामको आईसोलेशनमा १० जना र डोटी र डडेल्धुरा अस्पतालमा २÷२ जना संक्रमित उपचाररत रहेका मन्त्रालयले जनाएको छ ।
मन्त्रालयका अनुसार आईतबार सम्म सुदूरपश्चिम प्रदेशमा ६० हजार ७ सय ८९ थ्रोट स्वावको परिक्षण गरिएको छ । जसमा ५ हजार ७ सय ५४ जनामा संक्रमण पुष्टि भएको छ । अझै संकलन गरिएका थ्रोट स्वाव मध्य २ हजार ६६ को परिक्षण हुन वाँकी रहेको मन्त्रालयले जनाएको छ ।
मन्त्रालयका अनुसार अनुसार नौ वटै जिल्लाका गरि आईतबार सम्म चार हजार नौ सय २९ जनाले कोरोना जितेका छन् । आईतबार मात्र अछामबाट ८२ र कञ्चनपुरबाट ७ गरी ८९ जना संक्रमित डिस्चार्ज भएको मन्त्रालयले जनाएको छ ।
सम्बन्धित वर्गका समाचारहरू
