नेपाली सिनेमा अभिनय गर्दा गर्दै अष्ट्रेलियामा व्यवसायमा होमिएका सुदूरपश्चिमका युवा स्वतन्त्र प्रताप शाह अभिनित म्युजिक भिडियो जनम जनम दशैंको अवसर पारेर सार्वजनिक गरिएको छ । छायांकन अष्ट्रेलियाको क्विन्सल्याण्डका बिभिन्न रमणिय स्थानहरूमा छायांकन गरिएको यो भिडियोमा चर्चित गायक कमल खत्रीको आवाज रहेको छ ।
राजु कानले निर्देशन गरेको भिडियोमा स्वतन्त्र प्रताप शाहले पुनः एक पटक आफूलाई अभिनय मार्फत सशक्त ढंगले चिनाएका छने । भिडियोमा उनलाई मोडल कृतिमा श्रेष्ठले साथ दिएकी छन् । अष्ट्रेलियामा पछिल्ला केही वर्षयता समाजसेवा, शैक्षिक क्षेत्रमा छुट्टै पहिचान भएका शाहले अभिनय मार्फत पनि छुट्टै छाप छोडेका छन् ।
नेपाल चलचित्र फेसबुक र मेरो भ्यालेन्टाइनमा नायकको भूमिका निर्वाह गरिसकेका शाह पछिल्ला वर्षहरुमा एनआरएन अभियन्ताका रुपमा सक्रिय थिए । उनी अष्ट्रेलियामा शैक्षिक तथा विभिन्न व्यवसायमा पनि संलग्न छन् । गैरआवासीय नेपाली संघ अष्टे«लयाका उपाध्यक्ष रहीसकेका शाह एम्पाएर एजुकेशन एण्ड भिसा सर्भिसेसका प्रमुख हुन् ।
उनले सामाजिक, शैक्षिक तथा व्यवसायिक क्षेत्रसंगै कलाकारितामा पनि निरन्तरता दिने सोच बनाएका छन् । उनले भने,–‘राम्रो फिल्म र म्युजिक भिडियोका प्रस्ताव आएमा कलाकारिता क्षेत्रलाई पनि संगसंगै लैजाने सोच बनाएको छु ।’
सम्बन्धित वर्गका समाचारहरू
