धनगढी उप–महानगरपालिकाका वडा नम्बर १५ का सबै विद्यालय आजदेखि सञ्चालन भएका छन् । वडाध्यक्ष फुलराम चौधरीले आज विहान १० बजदेखि वडाका सबै सामुदायिक विद्यालय सञ्चालन भएको जानकारी दिए । चौधरीले आफ्नो वडामा ४ वटा सामुदायिक विद्यालय रहेको बताउँदै विद्यार्थीको जोरविजोर रोल नम्बरका आधारमा पठनपाठन सञ्चालन गरिएको बताए ।

स्वास्थ्य सुरक्षाका मापदण्डको पालन गर्दै पठनपाठन थालिएको  वडाध्यक्ष चौधरीले बताए । धनगढीका अन्य विद्यालयमा पढाई सुरु नभएका बेला वडा नम्बर १५ भने पठनपाठन सञ्चालन गरेको  हो । अन्य वडाका विद्यालयले वैकल्पिक सिकाई अन्तरगत अनलाइन कक्षा सञ्चालन गर्दै आएका छन् ।
 

Edit Ad