पीडादायी वेदना सुन्नु नपरोस कसैको 
छोरी जन्माउदा आँसु नझरोस कसैको ।

आमा नभए हामी जन्मिन्थ्यौ कसरी ?
भ्रुणजाँच गराउने रहर नरहोस कसैको ।

प्रकृतिको भेद कहि कतै देखिन्न
अन्ध विश्वासी घैटो नभरोस कसैको ।

दयामा होईन क्षमताको कदर होस 
कसैले मान मर्दन नगरोस कसैको ।

रहरहरु समुन्द्र पारी नतरोस कसैको 
पुरैउमेर बाच्ने रहर नमरोस कसैको ।

Edit Ad

अन्धविश्वासले जीवन धरापमा नपरोस कसैको
छाउगोठमा छोरी चेली नमरोस कसैको ।