लिपुलेक सहितको नेपालको नयाँ नक्सा निशान छापमा समावेश भएपछि सुदुरपश्चिममा खुशीयाली छाएको छ । सुदुरपश्चिमको भुभाग समेटेर नयाँ नक्सा निशान छाप समेट्नका लागि विधयेक पारित भएपछि त्यसको खुशीयालीमा प्रदेशका विभिन्न स्थानहरुमा दिप प्रज्वलन गरिएको छ ।
ऐतिहासिक दिन भन्दै सुदुरपश्चिमका नौ जिल्लाहरुका विभिन्न स्थानहरुमा दिप प्रज्वलन सहित खुशीयाली मनाईएको हो । धनगढीमा युवा संघ र अनेरास्ववियुको आयोजनामा संयुक्त रुपमा दिप प्रज्वलन गरिएको छ ।
कैलालीको अत्तरिया, सुख्खड, लम्की, टीकापुर लगायतका ठाउँहरुमा पनि दिप प्रज्वलन सहित स्वागत गरिएको छ । कञ्चनपुरका विभिन्न स्थानहरुमा पनि खुशीयाली मनाईएको छ । कञ्चनपुरको पुर्नवासमा पनि स्वतन्त्र रुपमा युवाहरुको समुहले दिप प्रज्वलन गरेको अनेरास्ववियुका नेता हेमन्त रेग्मीले जानकारी दिए ।
डोटी डडेल्धुरा वैतडी अछाम वाजुरा वझांग दार्चुला जिल्लाहरुका पनि विभिन्न स्थानहरुमा दिप प्रज्वलन सहित खुशीयाली मनाईएको हाम्रा सकहर्मीहरुले जनाएका छन् ।
सम्बन्धित वर्गका समाचारहरू
