सुदूरपश्चिम प्रदेशका आन्तरिक मामिला तथा कानुनमन्त्री पूर्णा जोशीले नेपाली जनताको लामो संघर्ष र बलिदानबाट प्राप्त संविधानको अक्षरशः पालनामा राजनीतिक नेतृत्व, सरकार प्रमुख र नेपाली जनता इमान्दार हुनुपर्ने बताएकीछिन् ।

संविधान दिवसका अवसरमा आज दिईएको शुभकामना सन्देशमा उनले सात दशक लामो राजनीतिक संघर्षबाट प्राप्त संविधानले सामन्ती, निरंकुश, केन्दिकृत, राज्यव्यवस्थाद्धारा सिर्जित सबै प्रकारका असमानता, विभेद र उत्पीडनको अन्त्य गर्दै सहअस्तित्व, न्याय र समानताको माध्यमबाट नेपाली समाजलाई समृद्धिको मार्गमा अगाडी बढाउने लक्ष्य लिएको उल्लेख गरेकीछन् । 

जननिर्वाचित संविधानसभाद्वारा निर्मित संघीय लोकतान्त्रिक गणतन्त्र नेपालको संविधान २०७२ जारी भएको सातौँ बर्ष प्रवेशको अवसरमा स्वदेश तथा विदेशमा रहेका नेपाली दाजुभाई, दिदीबहिनीहरुमा मन्त्री जोशीले शुभकामना व्यक्त गरेकीछिन् । 

साथै मन्त्री जोशीले जारी गर्नु भएको शुभकामना सन्देशमा “सुदूरपश्चिम प्रदेश सरकार नेपालको संविधानको पूर्ण पालना, यसको कार्यान्वयनमा प्रतिबद्ध रहेको उल्लेख गरिएको छ । सबै खालका असमानता, वञ्चनाहरुको कानुन र नीतिबाटै सम्बोधन गर्दै लोककल्याणकारी राज्यको अनुभूति गराउने दायित्व प्रदेश सरकारको समेत हो ।”