सुदूरपश्चिम प्रदेश सभामा प्रमुख प्रतिपक्ष दल नेपाली काँग्रेस संसदीय दलका नेता डा. रण बहादुर रावलले नेतृत्व नपाए नेपाली काँग्रेस प्रदेश सरकारमा नजाने बताएका छन् । नेता रावलले अहिलेकै अवस्थामा नेपाली काँग्रेसमा सरकारमा नजाने स्पष्ट पारे । “पाँच दलीय गठबन्धन र लोकतन्त्रको रक्षाका लागि हामी लचिलो छौ । तर यसको अर्थ हामी चुपचाप प्रदेश सरकारलाई समर्थन गर्दैनौ” उनले भने, “पार्टीको केन्द्रीय नेतृत्व र केन्द्रमा पाँच दलीय गठबन्धनबीच भएको सहमती कार्यान्वयन गर्न भने हामी प्रतिबद्ध छौ । हाम्रो कारण सुदूरपश्चिममा पाँच दलीय गठबन्धनमा पर्न दिन्नौ ।
नेता रावलले सुदूरपश्चिम प्रदेश सभाको ठूलो दल बने लगत्तै नेकपा एकीकृत समाजवादीका नेता र केही मन्त्रीले काँग्रेसलाई सरकारमा सहभागी गर्नुपर्ने आवश्यकता नरहेको अभिव्यक्ति दिएकोमा भने आपत्ती जनाए । “ यो कस्तो दम्भ हो । समाजवादी पार्टी र उनीहरुको सांसद पद रहने÷नरहने टुंगो, छैन . अदालतमा मुद्दा बिचाराधीन छ” उनले भने, “दुई सासद बढी हुदैमा यस्तो दम्भ प्रदर्शन गर्नु राजनैतिक चरित्र होईन ।”
यदि सुदूरपश्चिममा दुई जना सांसद बढी हुदैमा काँग्रेस नचाहिने हो भने बाग्मती र एक नम्बर प्रदेशमा सरकारको नेतृत्व पाउने पर्ने दावी गरिरहेको एकीकृत समाजवादी पार्टीका १०/१० जना सांसद मात्र छन् । जवकी काँग्रेसका त उनीहरुभन्दा दोब्बर सांसद छन् । त्यहाँ त काँग्रेसको साथमा समाजवादी पार्टीले सरकारको नेतृत्व गर्ने भएको छ ।
उनले सांसद पदको दम्भ नदेखाउन र काँग्रेसलाई उपेक्षा नगर्न नेकपा समाजवादीका नेताहरुलाई चेतावनी दिए । “हामी सरकारका कामलाई चुपचाप समर्थन गर्दैनौ । समाजवादी पार्टीको यस्तै रवैया रहिरहे त्यसको परिणाम भोग्न तयार रहोस ” उनले भने । जनअपेक्षा अनुसार काम गर्न नसकेको प्रदेश सरकार भ्रष्टाचारमा लिप्त भएको डा. रावलले आरोप लगाए ।
सम्बन्धित वर्गका समाचारहरू
