सीपी परियारको धान है काट्ने हसिया बोलको गीत दशैँको अवसर पारेर सोमबार सार्वजनिक गरिएको छ । गीतमा  शब्द र संगीत परियारकै रहेको छ भने उक्त गीतमा गायिका रचना रिमालले साथ दिएकी छिन् । 

भिडियोमा चर्चित कलाकार पुष्प खड्का र गरिमा शर्माको अभिनय रहेको छ । भक्तपुरको सूर्यविनायक नगरपालिकाको रमणीय स्थान पाईलट बाबामा यांकन गरिएको उक्त गीतको निर्देशन जीबी आग्री र नृत्य निर्देशन दिपक एम सिंहले गरेका हुन् ।

मौलिक शैलीको यो गीतमा शब्द र लय गायक स्वयंम सीपी परियारले गरेका छन् । परियारको यसअघि तिम्रो माया मा फिट भए म, इलिगल माया, सुवा लगायतका गीत सार्वजनिक भइसकेका छन् ।