कैलालीमा मोटरसाइकलको ठक्करबाट पैदल यात्रीको मृत्यु भएको छ।

गौरीगंगा नगरपालिका-४ राजीपुरमा पश्चिमबाट पूर्वतर्फ गइरहेको सु.प.प्र.०१ ००९ प २९०० नम्बरको मोटरसाइकलले ठक्कर दिँदा पैदल यात्री धनबहादुर नेपालीको मृत्यु भएको हो।

सोमबार करिब ७ः३० बजेको समयमा गौरीगंगा नगरपालिकाका ५५ वर्षीय नेपालीलाई ठक्कर दिँदा उनी घाइते भएका थिए।

नेपालीको सेती प्रादेशिक अस्पतालमा उपचारका क्रममा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ।