कञ्चनपुरको महेन्द्रनगर आउँदै गरेको बस बर्दियामा दुर्घटना हुँदा ३५ जना घाइते भएका छन्। घाइतेमध्ये दुईजनाको अवस्था गम्भीर छ। बिहीबार बिहान करिब ३ बजे बासगढी नगरपालिका-३ मा कालिकोटबाट आउँदै गरेको ना५ख ५३८२ नम्बरको बस दुर्घटनामा परेको हो। 

दुर्घटनामा घाइतेमध्ये कालिकोट त्रिवेणी गाँउपालिका-६ की ११ वर्षीया शितला उपाध्याय र त्रिवेणी गाँउपालिका-७ की ६९ वर्षीया ओमना उपाध्यायको अवस्था गम्भीर रहेको छ। उनीहरूको नेपालगञ्ज मेडिकल कलेजमा उपचार भइरहेको इलाका प्रहरी कार्यालय मोतीपुरले जनाएको छ।बस चालक धनगढी—१७ का किशन सिंह खत्रीलाई नियन्त्रणमा लिइएको प्रहरीले जनाएको छ। 

Edit Ad