कैलालीको गोदावरी नगरपालिका १ मा कोरोना संक्रमणबाट बुधबार मृत्यु भएका ४६ बर्षिय पुरुषको सम्पर्कमा आएका ४ जनामा कोरोना संक्रमण पुष्टि भएको छ । शुक्रबार धनगढी प्रयोगशालामा गरिएको परिक्षणमा मृतककी ४१ बर्षिय श्रीमती र उनका १६ र २१ बर्षिय छोराहरुमा कोरोना संक्रमण पृष्टि भएको हो ।
त्यस्तै सोही ठाउँका ५८ बर्षिय एक पुरुषमा पनि कोरोना संक्रमण पुष्टि भएको गोदावरी नगरपालिकाको स्वास्थ्य शाखाले जनाएको छ । मृत्यु भएका ४६ बर्षिय पुरुषमा जेठ ३२ गते कोरोना संक्रमण पुष्टि भएको थियो ।
यस्तै असार २ गते गोदावरी नगरपालिका २ का ५२ बर्षिय पुरुषको सम्पर्कमा आएकाहरुको भने कोरोना रिपोर्ट नेगेटिभ आएको छ । दुबै संक्रमितको सम्पर्कमा आएका १० जनाको स्वास्व संकलन गरिएकोमा ६ जनाको रिपोर्ट नेगेटिभ आएको नगरपालिकाले जनाएको छ ।
नगरपालिकाले संक्रमण भेटिएकाहरुको घर सिल गरेको छ । उनीहरुको घर संगै वडा नम्बर १ को भरतपुर टोल (भालुखोला टोल) नै सिल गर्ने तयारी गरेको छ । गोदावरी नगरपालिकामा कोरोना संक्रमितको संख्या ९ पुगको छ भने एक जनाको मृत्यु भएको छ ।
सम्बन्धित वर्गका समाचारहरू
