अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) सम्झौताको विरोधमा धनगढीमा बिहिबार प्रदर्शन गरिएको छ ।

संयुक्त जनवर्गीय सङ्गठन सुदूरपश्चिमले एमसीसी सम्झौता खारेजीको माग गर्दै प्रदर्शन गरेको हो । उनीहरूले एमसीसी चाहिँदैन, एमसीसी खारेज गर, देश बेच्न पाइँदैन, लगायत एमसीसीको विरोधमा विभिन्न नारा लगाउँदै प्रदर्शन गरेको हो ।

यसैबिच राष्ट्रघाती एमसीसी सम्झौता विरुद्ध आन्दोलनरत ६ कम्युनिस्ट पार्टी र २ मोर्चाले पनि धनगढीमा प्रदर्शन गरेको हो । धनगढीको चौराहाबाट सुरु भएको प्रदर्शन जिल्ला प्रशासन कार्यालय कैलालीको मूल गेटमा कोणसभा भएको थियो ।