धनगढी उपमहानगरपालिका वडा नम्बर १४ मा ‘घर(घर जाउ नेपाली काँग्रेस जिताउ’ अभियान सुरु भएको छ  अभियानको नेपाली काँग्रेसका केन्द्रीय सदस्य तथा धनगढी उपमहानगरपालिकाका नगर प्रमुख नृपबहादुर वडले उद्घाटन गरे ।

नेपाली काँग्रेसका वडा नम्बर १४ का वडा सभापति नारायणदत्त ओझाको अध्यक्षतामा भएको कार्यक्रममा केन्द्रीय सदस्य सुशिला मिश्र भट्ट विशिष्ट अतिथी रहेकी थिइन् । कार्यक्रममा प्रदेश सभा सदस्य टेकबहादुर रैका, महासमिति सदस्य क्षितिज भण्डारी, क्षेत्रीय सभापति भिम पडाल, जिल्ला सदस्य चक्र नेपाली, नगर सभापति यज्ञराज उपाध्याय लगायतका नेताहरुको सहभागिता थियो ।

सोही कार्यक्रममा नेकपा (एकीकृत समाजवादी) का वडा नम्बर १४ का सहसचिव कुसल जोशी प्रवेश गरेका छन् । उनलाई नेपाली काँग्रेसका केन्द्रीय सदस्य द्धय नृप वड र सुशिला मिश्रले प्रवेश गराएका छन् । वडा सचिव अक्कल भण्डारीले सञ्चालन गरेको कार्यक्रमको स्वागत उपसभापति विष्णु अधिकारीले गरेका थिए ।