नेपाली कांग्रेसकी केन्द्रिय सदस्य डा। आरजु राणा देउवाले स्थानीय तहको चुनावमा गठबन्धनले ७० प्रतिशत स्थानमा जित्ने बताएकी छिन ।  मंगलबार कैलालीको गोदावरी नगरपालिका–३ चौकीडाँडाँमा आयोजित चुनावी सभालाई सम्बोधन गर्दै राणाले अहिलेको आँकडाले समग्र देशमा ७० प्रतिशत जित हुने देखिएको बताईन् । उनले जित्ने ७० प्रतिशतमा गोदावरी नगरपालिका पनि रहेको बताइन् ।

जित्ने ७० प्रतिशतमा हामी पनि छौ भनेर यस क्षेत्रमा गठबन्धनलाई जिताउन लाग्नुहोस् । साथीहरुलाई रुखमा भोट हाल्नुहोस्, कमलमा भोट हाल्नुस भन्नुहोस्’ उनले भनीन् ‘देशमा सबैलाई मिलाएर लग्नेलाई भोट हाल्नुहोस् ।’  उनले कैलालीमा गठबन्धनको राम्रो वातावरण बनेको बताइन् । यहाँ हामीले अधिकांश ठाउँमा जित्छौ । उनले नेपाली कांग्रेस सबैका कुरा सुनेर अगाडी बढेको बताईन् ।

गठबन्धमा भोट हाल्दा अलि झंजटिलो भएपनि भोट हाल्दा समय दिएर भोट हाल्न आग्रह गरीन् । उनले भनीन् ‘नहतारिएर को–को लाई भोट हाल्ने भनेर नाम पढेर मत हाल्नुहोला ।’