कैलालीको गोदावरी नगरपालिकाले १ अर्ब २५ करोड ८ लाख ५० हजारको बजेट ल्याएको छ । नगरपालिकाले शुक्रबार आर्थिक वर्ष २०७९/०८० का लागि नगरको आठौँ नगरसभामा प्रस्तुत गरेको नीति तथा कार्यक्रम मार्फत सो बजेट पेस गरिएको हो ।

जसमा चालु तर्फ ७१ करोड २३ लाख २५ हजार र पुजिगत तर्फ ५३ करोड ८५ लाख २५ हजार विनियोजन गरिएको छ । नगर सभामा नीति तथा कार्यक्रम प्रस्तुत गर्दै नगरप्रमुख वीरेन्द्र भट्टले स्वास्थ्य, शिक्षा र कृषिलाई मुख्य प्राथमिकता दिइने बताएका छन् ।