कैलालीको धनगढीमा रहेको माया मेट्रो हस्पिटलमा मुटु रोगका विरामीहरुको निशुल्क चेकजाँच हुने भएको छ । मुटु रोग सम्बन्धी समस्या भएका विरामीहरुको स्वास्थ्यलाई मध्यनजर गर्दै हस्पिटलले यही असार १२ देखि १८ गते सम्म निशुल्क रुपमा सेवा सञ्चालन गर्न लागेको हो ।
वरिष्ठ मुटु रोग विशेषज्ञ डा. कृष्ण चन्द्र अधिकारीद्धारा विरामीहरुको निशुल्क चेकजाँच गरिने हस्पिटलका लेखा प्रमुख धर्म शम्सेर बोगटीले बताए ।
नि:शुल्क चेकजाचको लागि वरिष्ठ मुटु रोग विशेषज्ञ डा. अधिकारी सँग बिहान ७:३० देखि १० बजे र साँझ ३ देखि ६:३० सम्म भेट्न सकिने कुरा अस्पतालले जनाएको छ ।
उनले पछिल्लो समय विभिन्न कारणले मुटु रोगका बिरामीहरुको संख्या बढ्दै गईरहेकाले अस्पतालले निशुल्क शिविर आयोजना गर्न लागेको बताए । यसका साथै अस्पतालले TMT, ABP & HOLTER परिक्षणमा पनि २० प्रतिशत छुटको व्यवस्था गरेको उनले बताए ।
सम्बन्धित वर्गका समाचारहरू
