कैलालीको धनगढी उपमहानगरपालिकाका वडाध्यक्ष गजेन्द्र शाही आफै सरसफाई अभियानमा सहभागी भएका छन्। वडा नम्बर ५ का वडाअध्यक्ष शाहीले पूरानो मेरिगोल्ड स्कुल नजिकको अव्यवस्थित फोहर सफा गर्न लागेको तस्बिर सार्वजनिक गरेका छन्। 

उनले सामाजिक सञ्जालमा फोटो राख्दै लेखेका छन्, ‘पर्यावरणमैत्री नमुना वडा बनाउनका निम्ति सुरुवात तपाईं हामीले आफ्नै घरआँगन टोल समाजबाटै हातेमालो गर्दै अघि बढौं।’ उनले सम्पूर्ण वडावासीलाई सरसफाई अभियानमा सहभागी हुन अनुरोध गरेका छन्। यस वर्ष धनगढी उपमहानगरपालिकाले सरसफाई वर्ष मनाउँदैछ।