धनगढीमा छाडा चौपायासँग बोलेरो ठोक्किँदा एक जना गम्भीर घाइते भएका छन्। प्रहरीका अनुसार सोमबार राति करिब साढे ११ बजे तिरको समयमा धनगढी उपमहानगरपालिका-३ भाटभटेनी अगाडि धनगढीबाट अत्तरियातर्फ जाँदै गरेको से १ ज ८९० नम्बरको बोलेरो जिपले छाडा गोरुलाई ठक्कर दिएको हो।

दुर्घटनामा जिपका सहचालक बझाङको तल्कोट गाउँपालिका-५ का अन्दाजी २२ वर्षीय आकाश मल्ल गम्भीर घाइते भएका र उनको माया मेट्रो अस्पतालमा उपचार भइरहेको प्रहरीले बताएको छ।

छाडा गोरुको भने घटनास्थलमै मृत्यु भएको बताइएको छ। जिप चालक तल्कोट(५ कै अन्दाजी २२ वर्षीय राम संत्याललाई जिपसहित नियन्त्रणमा लिइएको जिल्ला प्रहरी कार्यालय कैलालीले जनाएको छ।