धनगढी – डेउडा प्रतिष्ठान भारत शाखा बेङ्लोरको तदर्थ समिति अध्यक्षमा डेउडा गायक यज्ञराज भट्ट सर्वसम्मत चयन हुनु भएको छ ।

भारतको बेङ्लोरमा डेउडा गायक वीरेन्द्र साउँदको संयोजकत्वमा भएको  कलाकारहरूको भेलाले तदर्थ समिति उपाध्यक्षमा भक्तबहादुर साउँद चमत्कार, सचिवमा वीरेन्द्र साउँद, कोषाध्यक्ष करन बि.क., सह–सचिवमा एलिजा शाही सर्वसम्मत रूपमा चयन हुनु भएको छ । त्यस्तै सदस्यमा प्रेम मायालु बि.क., मधु भट्ट, आशा बि.क. र भुवन नेपाली चयन हुनु भएको छ ।

डेउडा प्रतिष्ठानको भारतमा गठन भएको यो पहिलो शाखा रहेको भेला आयोजक समिति संयोजक वीरेन्द्र साउँदले बताउनु भयो ।