आफ्नै पत्नीले दिएको बलात्कारको उजुरीको आधारमा प्रहरीले एक जना युवकलाई पक्राउ गरेको छ । पक्राउ पर्नेमा मकवानपुरको थाहा नगरपालिका–७ घर भएर बानेश्वर बस्ने दिनेश कार्की छन् ।

२५ वर्षीय कार्की विरुद्ध उनकै पत्नीले जबरजस्ती करणी गरेको जाहेरी दिएकी थिइन् । बागबजारमा आफूलाई बलात्कार गरेको पत्नीको आरोप छ । कार्कीलाई पक्राउ गर्न जिल्ला अदालत काठमाडौँले साउन १७ मा पक्राउ अनुमति दिएको थियो । जिल्ला प्रहरी परिसर काठमाडौँले उनलाई अनामनगरबाट पक्राउ गरेर अनुसन्धान गरिरहेको छ ।