प्रधानमन्त्री केपी शर्मा ओलीले लकडाउन कडाइ गर्न निर्देशन दिएका छन् । मन्त्री परिषद्को बैठकमा प्रधानमन्त्री ओलीले लकडाउनको पालना नभएको भन्दै गुनासो गरेका थिए ।

“कोरोना सङ्क्रमण न्यूनीकरणका लागि लकडाउन नै विकल्प हो । यसलाई पालना गर्नु सबैको कर्तव्य पनि हो,” प्रधानमन्त्रीले बैठकमा भनेको कुरा एक मन्त्रीले उद्धृत गरे । मन्त्रीका अनुसार लकडाउनमा कडाइ गरिनेछ । मन्त्री परिषद् बैठक चलिरहँदा हालसम्मकै बढी ५७ जना सङ्क्रमित थपिएको सूचना पुगेको थियो ।

त्यसपछि प्रधानमन्त्रीले लकडाउन पालन नभएको भन्दै असन्तुष्टि जनाएका थिए ।