बाजुरा- बाजुराको बुढीगंगा नगरपालिका र खप्तड छेडेदह गाउँपालिका बाजुरा जिल्ला कारागारमा रहेका कैदी बन्दीहरुलाई खसी उपहार दिएका छन् । कारागारमा रहेका कैदी बन्दीहरुलाई दशैं मनाउन उपहार स्वरुप खसी सहयोग गरिएको हो ।
बुढीगंगा नगरपालिकाका तर्फबाट नगर प्रमुख रामबहादुर बाँनीया र उपप्रमुख माया कुँवरले संयुक्त रुपमा खसी उपहार दिएका हुन् । बाजुरा कारागारमै पुगेर कारागार कार्यालयका चौकीदार रुपेश रावतलाई हस्तान्त्रण गरिएको बुढीगंगा नगरपालिका १० का वडाध्यक्ष दलबहादुर साउँदले बताए ।
कारागारमै पुगेर बुढीगंगा नगरपालिकाका नगरप्रमुख बानियाँले कारागारका जेलर हंस बोहरा, चौकीदार रुपेश रावत र नाईके विरेन्द्र रावत मार्फत कैदीबन्दीलाई दशैं मनाउन खसी उपहार दिइएको हो । अवसरमा कारागारमा रहेका बन्दीहरुले आफै बुनेको टोपी प्रमुख र उपप्रमुखलाई उपहार दिएका थिए । बुढीगंगा नगरपालिकाले २० हजार बराबरको खसी र खेलकुदका सामाग्री सहयोग गरेको छ ।
यस्तै, खप्तड छेडेदह गाउँपालिकाले पनि कारागारका कैदीबन्दीलाई एउटा खसी र खेलुकदका सामाग्री उपलव्ध गराएको छ । गाउँपालिकाकी उपाध्यक्ष विशुदेवी नाथको नेतृत्वमा कारागारमै पुगेर जेलर, चौकीदार र नाईके मार्फत कैदी बन्दीलाई खसी उपहार दिएकी हुन् । हाल कारागारमा ५६ जना कैदीबन्दी रहेका छन् ।
सम्बन्धित वर्गका समाचारहरू
