गत बिहिवारदेखि लगातार परेको झरीले डडेलधुरा सहित सुदूरपश्चिमका पहाडी जिल्लाको जनजीवन कष्टकर भएको छ ।

दशैंको टिकाको दिनदेखि बदली भएको मौसमले अविरल झरी सहित भारी वर्षा हुन थालेपछि पाँच दिनसम्म मनाउने दशैंको टिकाका साथै खेतीपातीमा पनि असर परेको छ ।

धान काटने र चुटने बेलामा तीन दिनदेखि परिरहेको वर्षाले कृषकलाई चिन्तित बनाएको हो भने गाईबस्तुको स्याहार र आम सर्बसाधारणलाई पनि आवतजावतमा समस्या भएको छ ।

झरीले चिसो बढाउनुका साथै चुनावी गतिविधि पनि प्रभावित भएको छ । गत वर्ष पनि दशैं लगत्तै परेको बेमौसमी वर्षाले सुदूरपश्चिम प्रदेशमा क्षति पुर्‍याएको कृषि वालीको सरकारले अहिलेसम्म पनि राहत नदिएको पहिरो तथा बाढी पीडितहरु बताउँछन् ।